Kvart år inviterer me ein framståande person til å fortelja om sitt forhold til Arne og Hulda Garborg.

Året Arne fyller 175 år er det leiaren av Språkrådet, Åse Wetås, sin tur.

Åse Wetås er språkforskar og leksikograf. Ho var i mange år prosjektdirektør for Norsk Ordbok og er sidan 2015 direktør i Språkrådet. Ho er kjend som ei klar stemme for god språkrøkt og språkleg mangfald i Noreg. Wetås er særleg oppteken av korleis ein kan sikra det norske språkmangfaldet etter at KI og praterobotane har revolusjonert verda me lever i.