Demokrati under press

At demokratiet for tida er under press, også i vårt eige land, er etterkvart ei ålmenn oppfatning. Denne utviklinga bør me fylgja nøye med på, analysere og diskutere. For å gjera det, har Folkeakademiet Time invitert Martin G. Søyland og Ingrid Fiskaa til ein samtale og diskusjon over temaet.

Martin G. Søyland (UiS) er statsviter med doktorgrad frå Universitetet i Oslo. Han har tidlegare forska på parlament, politiske institusjonar og demokrati, hovudsakleg med norsk politikk som bakteppe. Han er aktuell som ein av forskarane som skal i gang med runde to av "Tilstandsanalyse av det norske demokratiet" no i haust.

Ingrid Fiskaa er til vanleg lærar, men er nå stortingsrepresentant og sit i nåverande periode på Stortinget for SV. Ho står som 1.kandidat på Rogaland si SV-liste til valet hausten 2025.