Å hogge skulpturar i marmor var ikkje rekna som passande arbeid for ei kvinne av borgarskapet på 1800-talet. Likevel sa Ambrosia Tønnesen (1859-1948) opp stillinga som lærarinne i Noreg for å leve som kunstnar i København, Berlin og Paris. Ho fekk mange oppdrag, stilte jamleg ut på Salongen og blei den første profesjonelle kvinnelege bilethoggaren i Noreg. Kunsthistorikar og fagbokforfattar Jorunn Veiteberg drøftar korleis ei kvinne med Tønnesen sin bakgrunn kunne oppnå ein slik posisjon. Forlaget meiner boka passar for dei som er opptatt av situasjonen til kvinnene under det moderne gjennombrotet og dei som er interessert i vilkåra for kunstskaping i den same perioden.
