Anna er saman med foreldra på båttur. Dei har kome til Ørnøya, ei lita øy som Anna tenkjer må vere den aller kjedelegaste staden i heile verda å feriere på. Saman med Kaspar Bullterrier går Anna på tur, det er det einaste dei kan finne på. Men så hender det underlege ting på øya. Det er nokon som gøymer seg ved det gamle fraflytta fyret, og det er nokon som bryt seg inn i huset til Esther, den nye venen til Anna. På pensjonatet Havgløtt bur det gjestar som tydelegvis har noko å skjule. Samtidig skjer det mystiske ting i byen Brazzaville i Republikken Kongo. Når Siri og Erik også kjem til øya blir det fart på sakene, og snart er Anna og dei to venene hennar midt oppi eit spennande mysterium der ein gammal amulett spelar ei viktig rolle. Fortelling for mellomtrinnet. Omtalen er utarbeidd av BS.
