Endeleg er denne eldste soga om Olav Haraldsson tilgjengeleg i moderne norsk språkform. Verket er forfatta bortimot tretti år før kongesogene til Snorre Sturlason. Forskarar regnar med at nedskrivaren var frå Nord- Trøndelag, då handskriftet inneheld nordtrønderske målmerke. Denne Olavssoga er ei lettlese og spennande samling av historier om Olav og samtida hans. Den gjev eit bilete av vikingtida, kampen om einekongemakt i Noreg og brytningane mellom heiden og kristen tru. Boka gjer det mogleg å sjå med kritisk blikk på korleis Snorre Sturlason framstiller nokre av dei same hendingane i kongesogene sine. Illustrert med gamle bilete. Med ordforklaringar og eit oversyn over dei mest sentrale personane som er nemde i soga.
