Rolv Thesen (1896-1966) var mellom anna litteraturkritikar i Arbeiderbladet i nesten førti år, forlagskonsulent i Aschehoug, litteraturforskar og medlem av Forfatterforeningens litterære råd frå 1937 til 1963. Han er særleg kjend for trebindsbiografien om Arne Garborg, for bøker om Tore Ørjasæter, Olav Duun og Johan Falkberget, og for sine mange artiklar. Denne boka baserer seg på hans korrespondanse med forfattarar som Hulda Garborg, Olav Duun, Kristofer Uppdal, Tore Ørjasæter, Johan Falkberget, Inge Krokann, Halldis Moren og Tarjei Vesaas, Aslaug Vaa, Helge Krog, Arthur Omre, Torborg Nedreaas, Ragnvald Skrede, Peter Egge, Martin A. Hansen og mange andre.
