Kva hender når eit barn blir gjenstand for ein øydeleggjande konflikt mellom mor og far? I Strindbergs intense kammerspel blir kjønna sett opp mot kvarandre i ein sviande maktkamp. Etter urpremieren omtala ein kritikar "Faderen" som «eit plutseleg dødsskrik i ei mørk haustnatt». Stykket viser ein omsynslaus kamp mellom mor og far om oppdraginga av barnet. Samtidig speglar Strindberg ei brytingstid mellom den framvoksande kvinnerørsla med sine krav om jamstilling på den eine sida og eit grunnleggjande konservativt syn på mannsrolla på den andre.
