Det muslimske nærveret i Noreg og Vest-Europa er nytt og sterkt. Boka tar utgangspunkt i islam i Noreg, og tar dernest lesaren med tilbake til 6-700-talet, då samlivet mellom kristendom og islam tok til. Forfattaren tar for seg forholdet mellom muslimar og kristne i Arabia og Bagdad, den spanske gullalderen, korstoga og islamsk renessanse, og dekkjer historia heilt fram til vår tid med fleirreligiøse samfunn og multikulturelt samkvem. Boka drøftar òg likskapar og skilnader mellom bl.a. Bibelen og Koranen, og diskuterer etiske tema som lov, fridom og samvit i islam og kristendom. Avslutningsvis tar forfattaren opp politiske tema som stat og religion, menneskerettar, kjønnsmakt og valdsbruk.
