Ei norsk kvinne reiser til øya som er Europas siste utpost før Afrika. Her sym ho lange turar i det klare vatnet. Det er ikkje lenge sidan ein båt gjekk ned her, og fleire hundre menneske omkom. Kvifor symjer ho tusenvis av meter akkurat her? Har ho eit oppriktig ønske om å skjøne lidinga til dei som reiser over Middelhavet? På andre sida av havet, i Libya, er ein ung gut klar for å reise. Han har ein plan om å komme seg nordover til faren, som er i byen dei kallar Bodo. «Mare» utforskar maktesløysa enkeltmenneske kan føle i vår tids store konfliktar, frustrasjonen over å vere på den heldige sida av grensa, sinnet over å kjenne seg innestengd bak den grensa. Omtalen er utarbeidd av BS.
