Frå Sele hamn kan du gå meir eller mindre samanhengande langs sjøen heilt opp til «Jærens Nordkapp» - Tungenes - ei strekning på over 40 km. Men du treng ikkje stoppe her: du kan halde fram sørover Byfjorden, rundt dei brufaste byøyane og langs Gandsfjorden. Heile denne strekninga, delt opp i fleire etappar, er presentert i «Nord-jærsk turbok». Med turmål å velje mellom langs kyststripa i Sola, Stavanger, Randaberg og Sandnes er det noko for ein kvar smak: kortare og lengre turar, turar langs strender, over forrivne berg og svaberg, på grusvegar og meir bortgøymde stiar, merka turar og umerka turar. Det er turmål for både små og store, for ivrige mosjonistar og dei som heller vil dra til eit friluftsområde og berre nyte dagen.
