Kven var det eigentleg som kristna Noreg? Kva slags posisjon har kristendomen i samfunnet vårt i dag? Boka gir svar på slike spørsmål, og forfattarane presenterer historia til kristendomen i Noreg frå kristningsperioden og fram til vår eiga tid. Kyrkja og kristendomen har alltid vore ein del av kvardagen vår, fordi kristne forteljingar og førestillingar til alle tider har påverka kulturen og samfunnet vårt, så vel lokalt, nasjonalt som internasjonalt. Forfattarane ser òg på den religiøse utviklinga i Noreg opp mot utviklinga i Norden og Europa. Boka er skriven med tanke på studentar i religionshistorie, teologi og KRLE, men ho passar òg for alle lesarar som er interesserte i historie. Omtalen er utarbeidd av BS.
