Tormod veks opp i ei lita vestlandsbygd på 1960- og 70-talet. Han har ikkje alltid kontroll, verken over seg sjølv eller omgivnadane sine. Stadig balanserer han på kanten, enten han køyrer traktor ned ein altfor bratt skrent eller samlar ved til sankthansbålet. Han er fødd til å bli bonde, men lengtar etter noko anna. Vi følger Tormod gjennom barndommen og ungdomstida, fram til han blir kunststudent i Bergen. «Om dyr og syn» er ein roman om dyr, menneske, kunst og natur. Om oppvekst og om dei store vala i livet. Omtalen er utarbeidd av BS.
