Nordahl Grieg (1902-1943) var ein sosialt engasjert diktar og journalist. 17 år gammal drog han til sjøs, og kom på sett og vis aldri att ? livet vart ei reise. Han reiste og skreiv frå Kina under opprøret i 1927, frå Moskva under glanstida til Stalin og frå Spania under borgarkrigen ? og enda livet sitt på eit bombetokt over Berlin under den andre verdenskrigen. Grieg døydde ung, men han levde intenst, noko som speglast i denne biografien. Denne forteljinga av Edvard Hoem om den mangfaldige, konfliktfylde, omstridde og elska diktaren Nordahl Grieg kom første gong ut i 1989. No i 2002 kjem ho ut i ny utgåve i høve 100-årsjubileet for fødselsåret til Nordahl Grieg. Boka er rikt illustrert med fotografi i svart/kvitt.
