Året er 2016, og det skal bli eit år som endrar alt. I februar byrjar ifølgje kinesisk astrologi apens år; ein gåtefull syklus som ber med seg brå og overraskande hendingar, uro og ugagn. Patti Smith opplever ei djup sorg ho ikkje kan flykte frå. Ho vel i staden å møte dei vonde kjenslene og skrive seg gjennom året. Smith tar oss med på ei reise frå det sørlege California til ørkenen i Arizona. Ho pendlar mellom den sjuke vennen Sam Shepard på ein gard i Kentucky og sjukehuset der vennen og mentoren Sandy Pearlman ligg i koma, og som alltid blir det også eit par turar innom New York. I denne boka smeltar fakta og fiksjon saman med poetisk meistring. Trass i sorg og håpløyse byr Smith på visdom, humor og eit urokkeleg håp om ei betre verd. Boka er illustrert med Patti Smiths eigne Polaroid-bilete. Omtala er utarbeidd av BS.
