Gjennom humoristiske ordleikar gir boka inspirasjon til å leike med ord, uttrykk, ordtak og dialektord. Kapitla i boka tek utgangspunkt i alfabetet, og tekstane er knytte til ein liten by der innbyggjarane er bokstavar som lever liv omtrent som menneske gjer. Her kan ein til dømes tenke seg kva som vil skje om e-ane krev ein fridag eller kanskje nektar å gå på arbeid, fordi dei arbeider langt meir enn dei andre bokstavane. Eller tenk om alle vokalane unntatt "i" vert sjuke, då må "i" ta over for alle dei andre. Når det skjer, ser orda rare ut og vert morosame å lese. Her kan ein bli med på ei oppdagingsferd i språkverda, ei verd full av merkverdige og spennande ord og bokstavar. Nynorsk tekst. Faktabok for mellomtrinnet.
